МАҶЛИСИ САРОНИ ҲУКУМАТҲОИ ИДМ ДАР ОСТОНА

                       Остона, 18 май. (АМИТ «Ховар», Наргис Бояхмедова). — 22 май дар пойтахти Ҷумҳурии Қазоқистон — шаҳри Остона маҷлиси навбатии Шӯрои сарони Ҳукуматҳои ИДМ кушода мешавад. Ба рӯзномаи маҷлис 18 масъала дохил карда шудааст.                       Масъалаи асосии рӯзномаи маҷлис муҳокимаи нақшаи тадбирҳои амалӣ сохтани даври аввали барномаи рушди иқтисодии ИДМ мебошад, ки бояд то соли 2020 пурра иҷро карда шавад. Сарони ҳукуматҳо ҳамчунин лоиҳаи нақшаи тадбирҳои афзалиятнокро дар соҳаи ҳамкории гуманитарии давлатҳои ИДМ барои солҳои 2009 -2010, нақшаи тадбирҳои муштараки бунёди низоми воҳиди ба ҳисоб гирифтани шаҳрвандони мамлакатҳои дигар ва шахсони бетабааи ба каламрави давлатҳои ИДМ воридшавандаро баррасӣ хоҳанд кард.