МАҶЛИСИ ШӮРОИ САРОНИ ҲУКУМАТҲОИ ИДМ ДАР ОСТОНА

                        Душанбе, 22 май. (АМИТ «Ховар», Наргис Бояхмедова). — Имрӯз дар пойтахти Ҷумҳурии Қазоқистон — шаҳри Остона маҷлиси навбатии Шӯрои сарони ҳукуматҳои Иттиҳоди Давлатҳои Мустақил кушода шуд. Дар он Сарвазири Ҷумҳурии Тоҷикистон Оқил Оқилов иштирок дорад.                        Мухбири АМИТ «Ховар» хабар медиҳад, ки Президенти Ҷумҳурии Қазоқистон Нурсултон Назарбоев қабл аз маҷлис бо сарони ҳайатҳо мулоқот кард.Маҷлиси Шӯро аввал дар ҳайати маҳдуд оғоз ёфт ва баъд бо иштироки ҳайатҳои мамлакатҳои Иттиҳод идома ёфт. Дар фарҷоми он имзои силсилаи ҳуҷҷатҳо пешбинӣ карда мешавад.                     Тавре хабар дода шуда буд, дар маҷлис 18 лоиҳаи ҳуҷҷатҳои муҳим баррасӣ карда мешаванд. Нақшаи тадбирҳои амалӣ сохтани даври аввали Барномаи стратегии рушди иқтисодии ИДМ дар давраи то соли 2020 яке аз масъалаҳои асосии рӯзномаи он мебошад.                   Хабар дода мешавад, ки маҷлиси Шӯрои сарони ҳукуматҳои ИДМ бегоҳии имрӯз анҷом хоҳад ёфт.