ОФАТИ ТАБИӢ ҶОНИ 8 НАФАР ШАҲРВАНДРО РАБУД

                    Душанбе, 12 май. ( АМИТ «Ховар», Анварбек Сиддиқов)- Дар натиҷаи омадани сел, фуромадани сангу ярч ва раъду барқе, ки дар натиҷаи боридани боронҳои шадиди се ҳафтаи охир дар ҷумҳурӣ ба вуқӯъ пайваст, 8 нафар шаҳрвандон ҳалок ва панҷ нафар ҷароҳат бартоштанд.                   Тавре аз Кумитаи ҳолатҳои фавқулодда ва мудофиаи граждании Ҷумҳурии Тоҷикистон ба АМИТ «Ховар» хабар доданд, бар асари омадани сел шаби 10 май дар деҳаи Машъали наздикии шаҳри Душанбе риштаи умри се нафар кӯдак канд шуд ва падари онҳо бо бардоштани ҷароҳатҳои ҷисмонӣ ба беморхонаи бурда шуд.                  Аз рӯи ҳисобҳои пешакӣ хисороти расонидаи офатҳои табиӣ ба хоҷагиҳои халқи ҷумҳурӣ 3 миллион сомониро ташкил медиҳад.