ПОКИСТОН ДАР «ҶАЗИРА» РАВЗАНА БОЗ НАМУД
Душанбе, 7 май.(АМИТ «Ховар», Марзия Саидова).-Дар факултаи шарқшиносии Донишгоҳи миллии Тоҷикистон «Маркази фарҳангии Покистон» таъсис дода шуд. Ин Марказ дар доираи ҳамкории мутақобилан судманди Ҷумҳурии Тоҷикистон ва Ҷумҳурии Исломии Покистон созмон дода шудааст. Дар маросими ифтитоҳи он Вазири маорифи ҷумҳурӣ Абдуҷаббор Раҳмонов, Сафири фавқулодда ва мухтори Ҷумҳурии Исломии Покистон дар Тоҷикистон Халид Усмон Қайсар, ректори Донишгоҳи миллии Тоҷикистон Нуриддин Саидов ва ҳайати устодону донишҷӯёни факултаи мазкур иштирок намуда, ифтитоҳи онро фоли неке аз тақвияти ҳамкории Тоҷикистону Покистон дар бахши маориф арзёбӣ карданд. Вазири маорифи ҷумҳурӣ Абдуҷаббор Раҳмонов ифтитоҳи Маркази омӯзиши Покистонро иқдоми наҷиб ва муҳими Сафорати Ҷумҳурии Исломии Покистон дар рушди маорифу фарҳанг, густариши ҳамкории судманди Тоҷикистону Покистон маънидод намуда, гуфт, ки робитаҳои илмию фарҳангии мардумони тоҷику покистонӣ анъанаҳои неку қадима доранд. Имрӯз дар ҳар як хонадони тоҷик ва муассисаҳои илмию фарҳангии Тоҷикистон осори Аллома Муҳаммад Иқболи Лоҳурӣ ба таври васеъ омӯхта мешавад, ки он аз таваҷҷӯҳи мардуми тоҷик ба фарҳанг ва илму адаби ин сарзамин далолат мекунад. «Маркази фарҳангии Покистон», бо техникаи ҳозиразамон, адабиёти илмию бадеӣ таъмин гардида, барои донишҷӯёну муҳаққиқон тоҷик ҷиҳати омӯзиши адабиёт ва фарҳанги мардуми Покистон имкони бештареро фароҳам сохтааст. Бояд тазаккур дод, ки дар даврони истиқлолият робитаҳои дӯстона ва ҳамкориҳои Тоҷикистону Покистон дар бахши маориф густариш ёфт. Хусусан, баъди сафари расмии Президенти Ҷумҳурии Тоҷикистон Эмомалӣ Раҳмон дар соли 2004 ба Покистон дар робитаҳои вазоратҳои маорифи ду кишвар саҳифаи нав боз гардид. Котиби матбуоти Вазири маорифи ҷумҳурӣ Ноилшо Нуралиев ба АМИТ «Ховар» иттилоъ дод, ик тибқи мувофиқаҳо бештари ҷавонони тоҷик дар муассисаҳои таҳсилоти олии Покистон аз рӯи ихтисосҳои технологияи иттилоотӣ, тиб ва омӯзиши забони урду ба таълим фаро гирифта шудаанд. Аз соли 1994 то соли 2008 ба муассисаҳои таҳсилоти олии Покистон 142 нафар ҷавонони тоҷик фиристода шудаанд. Дар мактабҳои олии Тоҷикистон бошад, 26 нафар шаҳрвандони Покистон дар риштаҳои гуногун таҳсил менамоянд.
Тоҷикистон то соли 2032 ба кишвари тавлидкунандаи энергияи «сабз» табдил хоҳад ёфт
«САЁҲАТ БА ҚАЛБИ АВРУОСИЁ». Иштирокчиёни экспедитсия бо фарҳанг ва анъанаҳои мардуми Қазоқистон шинос шуданд
Дар Донишгоҳи байналмилалии сайёҳӣ ва соҳибкорӣ бахшида ба Рӯзи Ваҳдати миллӣ ҳамоиш баргузор шуд
Барои пешгирии вайроншавии қабати болоии роҳ аз таъсири ҳавои гарм чӣ тадбир андешида мешавад?
Дар лагери «Сарҳадбон» 100 нафар кӯдакон аз оилаҳои хизматчиёни ҳарбӣ ба истироҳат фаро гирифта шуданд
ТИРГОН, ЯЪНЕ, КИ ҚАДРИ ОБ ДОН. Миллате, ки об барояш муқаддас аст
Имрӯз дар шаҳри Душанбе ҳаво то 39 дараҷа гарм мешавад
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
