САЛОМАТИИ МОДАРОНУ КӮДАКОН ЗЕРИ НАЗОРАТ АСТ

                    Душанбе, 13 май. (АМИТ «Ховар», Лаззат Диловарзод).- Бино ба иттилои сардухтури Маркази назорати давлатии санитарию эпидемиологии ноҳияи Хуросон Саидумар Орифов, дар шаҳраки Уялӣ барои зарардидагони офати табиӣ ҷойи зисти муваққатӣ сохта шудааст. Ҳоло дар 107 хайма 597 нафар сокинони ҷамоати деҳоти Айнӣ ҷой карда шудаанд.                    Дар ин ҷои зисти муваққатӣ 64 нафар кӯдакони то синни 4 сола ба қайд гирифта шуда зери назорати табибон қарор доранд.                   То 11-уми май ҳамагӣ 6 кӯдак ва ду зан бо бемориҳои гуногун дар беморхонаи минтақавии Уялӣ бистарӣ карда шудаанд. Вазъияти беморон зери назорат аст. Ҳама сокинони аз офат зарардида дар хаймаҳо бо оби нӯшокӣ таъминанд.                  Дар сурати каме беэътиноӣ, сар задании ҳар гуна бемориҳои сироятӣ аз эҳтимол дур нест, аммо ҳама тадбирҳо андешида шудааст, то ки пеши роҳи бемориҳо гирифта шавад.