ШАРТНОМАИ КАФОЛАТ БАСТА ШУД

                      Душанбе, 15 май. (АМИТ «Ховар», Лаззат Диловарзод).- Аз Вазорати молия иттилоъ доданд, ки миёни вазорати мазкур ва намояндаи Бонки Европоии тармим ва таҷдид Матие Ле Блан шартномаи кафолат дар мавриди ҷудо намудани 6,2 млн. доллар ба имзо расид. Аз ин маблағ 4,2 млн. доллар кӯмаки бебозгашт мебошад.                    Соли ҷорӣ тибқи шартномаи басташуда, дар шаҳрҳои Қӯрғонтеппа, Кӯлоб ва Данғара системаҳои обрасонӣ тармим карда мешаванд. Иҷрои ин лоиҳа то 31-уми декабри соли 2011 ба охир расонида мешавад.                       Бонки Европоии тармим ва таҷдид ба ширкатҳои обрасонӣ ҳамчунин дар мавриди тарифи нави хизматрасонӣ дар минтақаи ҷануби кишвар кӯмак расониданист.