СОЗМОНИ КОНФРОНСИ ИСЛОМӢ БА ТОҶИКИСТОН КӮМАК МЕРАСОНАД

                          Душанбе, 26 май. (АМИТ «Ховар», Наргис Бояхмедова). — 25 май дар ҷараёни маҷлиси 36 — уми вазирони корҳои хориҷии мамлакатҳои аъзои Созмони конфронси исломӣ дар бораи расондани кӯмак ба Тоҷикистон барои бартараф сохтани зарари боришҳои тӯлонии моҳҳои апрел ва май қарор қабул карда шуд.                            Дар қарор ҳамаи давлатҳои аъзои созмон даъват карда мешаванд, ки ба Ҳукумати Тоҷикистон дар ин масъала то ҳадди имкон кӯмак расонанд. Бонки рушди исломӣ ва Бунёди ҳамдилии исломӣ розӣ шуданд, ки ба Тоҷикистон кӯмаки хайрия расонанд.                            Мухбири АМИТ «Ховар» хабар медиҳад, ки рӯзҳои 23 ва 25 майи соли равон дар шаҳри Димишқ маҷлиси 36 — уми Шӯрои вазирони корҳои хориҷии давлатҳои аъзои Созмони конфронси исломӣ баргузор гардид. Дар он вазири корҳои хориҷии Ҷумҳурии Тоҷикистон Ҳ.Зарифӣ иштирок дошт.