СУЛҲ БА КӮДАКОН

                         Душанбе, 29 май. (АМИТ «Ховар», Лутфия Эшонқулова).-Бахшида ба Рўзи байналмилалии ҳифзи кўдакон имрӯз, 29 май дар Осорхонаи таърихии кишваршиносии шаҳри Ваҳдат рўзи дарҳои кушод эълон гардид.                         Дар он хонандагони мактаби рассомии шаҳри мазкур зиёда аз 40 номгўи асарҳои худро бо номи «Сулҳ ба кўдакон» ба намоиш гузоштанд. Мавзўи асосии асарҳои эҷодкардаи наврасон сулҳ ва ҷанг, мубориза бар зидди маводи мухаддир, дўстиву рафоқат, ҳифзи муҳити зист ва ватандўстиро дар бар мегиранд.                        Рўзи дарҳои кушод махсус барои тарбиятгирандагони кӯдакистонҳо ва толибилмони макотиби ҳамагонии шаҳри Ваҳдат ташкил карда шуд.                         Кормандони осорхона тасмим доранд, ки бахшида ба Рўзи Ваҳдати миллӣ як қатор чорабиниҳо, аз ҷумла вохўрӣ бо шоирону нависандагон ва вакилони мардумиро доир намоянд.                         Дар ин бора ба мухбири АМИТ «Ховар» аз маркази матбуоти Вазорати фарҳанг хабар доданд.