ТАШАББУСИ РАИС ДАСТГИРӢ ЁФТ

                    Душанбе,7 май (АМИТ «Ховар», Лаззат Диловарзод).- Бино ба маълумоти Раёсати фарҳанги вилояти Хатлон, ташаббуси раиси ви лоят -Ғайбулло Афзал дар мавриди пуррагардонии китобхонаҳои шаҳру ноҳия аз ҷониби аҳли зиё, ташкилоту идораҳо хуб дастгирӣ ёфт.                   Дар давоми се ҳафтаи аввали моҳи апрел ба китобхонаҳои шаҳру ноҳияҳои вилоят беш аз 8 ҳазору 719 нусха китоб супорида шудааст.                   Дар ҷамъоварии китобҳо қариб ҳамаи ташкилоту идора ва шахсони алоҳида ташаббус нишон доданд.                  Тибқи маълумоти ҳамин манбаъ, дар ин иқдоми хайр ноҳияҳои Восеъ, Ёвон ва Қӯрғонтеппа саҳми бештар доранд.                   Дар ин муддат беш аз 6 ҳазор нусха китоб аз ҷониби ташкилоту идораҳо ба китобхонаҳо супорда шуд.