ҚУРБИ ДОЛЛАР БА ПОЁНУ РУБЛИ РУСӢ ВА ЕВРО БА БОЛО

                   Душанбе, 27 июня. (НИАТ «Ховар», Бекназар Абубакр). — Дар давоми рӯзи 26 июни соли ҷорӣ бинобар сабаби зиёд шудани пешниҳоди асъори хориҷӣ, қурби миёнаи хариду фурӯши доллари ИМА дар нуқтаҳои мубодилаи асъори шаҳри Душанбе, тамоюли пастшавӣ дошта, он то ҳудуди 4,42 — 4,44 сомонӣ коҳиш ёфт.                   Қурби асъорҳои хориҷии дар бозори байнибонкӣ ва дохилибонкӣ муқарраршуда, аз фаъолтар шудани амалиётҳо бо доллари ИМА ва рубли русӣ шаҳодат медиҳанд. Қурби миёнаи доллари ИМА каме паст шуда, аз 4,4002 то 4,4000 сомонӣ барои 1 доллари ИМА поин рафт. Рубли русӣ ва евро бошад, каме афзуда, 1,43 сомонӣ барои 10 рубли русӣ ва 6,21 сомонӣ барои 1 евроро ташкил доданд.