БАРӮЙХАТГИРИИ АХОЛӢ

                  Суғд, 23 июн. (АМИТ«Ховар», Мирзалӣ Амонов, Самад Юсуфӣ).-Соли 2010 дар мамлакат барӯйхатгирии аҳолӣ ва фонди манзил баргузор мешавад.                   Барӯйхатгирии аҳолӣ ва фонди манзил дар мамлакат бо сабабҳои ба вуқӯъ омадани дигаргуниҳо дар ҳолати демографӣ ва рушди иҷтимоӣ-иқтисодӣ, болоравии муҳоҷирати дохилӣ ва берунии аҳолӣ, ба миён омадани проблемаҳои манзилии аҳолӣ гузаронда мешавад.                    Дар ҳамин асос дар шаҳру ноҳияҳои вилояти Суғд давраи тайёрӣ ба маъракаи барӯйхатгирии аҳолӣ ва фонди манзил ҷараён дорад ва бо ин мақсад 368 ҳазору 471 сомонӣ маблағ ҷудо шудааст.                   Дар ҷаласаи комиссияи мусоидат, вазъи корҳои омодагӣ дар вилояти Суғд ва шаҳру ноҳияҳои вилоят баррасӣ гардид.                  Дар ҷаласа сарвазири Ҷумҳурии Тоҷикистон Оқил Оқилов ширкат варзида, корҳои омодагиро ба ин маъракаи муҳими сиёсӣ қаноатбахш арзёбӣ намуд ва таъкид дошт, ки корҳо дар ин самт бо сифати баланд анҷом дода шавад.