ДАР ЧОРБОҒ 50 КГ ГЕРОИН МУСОДИРА ШУД

                  Душанбе, 22 июн. (АМИТ «Ховар», Жасмин Назарова). — Рӯзи 20 июни соли ҷорӣ соати 21:45 ронандаи автомашинаи « Toyota Avensis» рақами давлатиаш ЕА 15 28 РТ 02 Саттор Сангов, соли таваллудаш 1977, истиқоматкунандаи шаҳри Душанбе ва мусофири дохили автомашинаи мазкур Тоҷиддин Акбаров, соли таваллудаш 1976, истиқоматкунандаи вилояти Хатлон, ноҳия Вахш колхози Ленинград, аз соли 2004 бо модаи 104 Кодекси ҷиноятии ҶТ дар кофтуков мебошанд, аз ҷониби кормандони Вазорати умури дохила дастгир гардиданд.                  Тибқи иттилои сардори маркази матбуоти БДА подполковник Шерафган Латифов, ҳангоми ҳаракат онҳоро дар дидбонгоҳи доимамалкунандаи Чорбоғ нозири калони ротаи хадамоти роҳбони ШБДА РКД шаҳри Душанбе лейтенанти милитсия Ҷумъахон Қаюмов, прапоршики милитсия Намоз Насриддинов боз медоранд.                   Ҳангоми аз назар гузаронидани бағоҷи автомашина дар ду халтаи семент моддаи сахттаъсири героин, ки вазнаш 49 кг 920 гр ташкил медод, дарёфт карда шуд.                   Бо кӯмаки кордонии кормандони масъули ШБДА РКД ҶТ подполковники милитсия Азизулло Каримов ва подполковник Умар Шарипов ин ҳодиса ҳуҷҷатгузорӣ шуда дар натиҷа парвандаи ҷиноӣ оғоз ва тафтишот идома дорад.