ДАР ИШКОШИМ 3 НОБ- И ХУРД БУНЁД МЕШАВАД

                  Душанбе, 23 июн.(АМИТ «Ховар», Л.Додо).- Сокинони ВМКБ бо маблағи худӣ нерӯгоҳи хурди барқ месозанд. Охири соли 2008 танҳо дар деҳаи Шитхарви ноҳияи Ишкошим якбора ба бунёди 3 нерӯгоҳи хурд оғоз намуданд. Нерӯгоҳи хурди барқии «Шохумборак», ки лоиҳааш 38 ҳазор сомониро ташкил дод, аллакай мавриди истифода қарор дорад. Иқтидори он 35кВт буда, 25 бунаи деҳаро пурра бо барқ таъмин менамояд.  Бунеди ду нерӯгоҳи дигар «Кунҷрав» барои 34 буна ва НОБ-и «Боғак» барои 28 буна бо иқтидори 60 киловаттӣ бо суръати баланд идома дорад. Лоиҳаи техникии ин ду нерӯгоҳ наздики 80 ҳазор сомонист. Маскунони деҳаи Шитхарв ният доранд, ки баъди мавриди истифода қарор додани ин нерӯгоҳҳо боз 4 нерӯгоҳи барқиро бунёд намоянд, то саросари деҳа бо нерӯи барқ таъмин гардад.