ДУХТУРОНИ КӮДАКОНАИ ХАТЛОНРО МЕОМӮЗАНД

                  Душанбе, 3 июн. (АМИТ «Ховар», Ибодат Давлатова). — Дар Маркази ташаккули тарзи ҳаёти солими вилояти Хатлон бо дастгирии Вазорати тандурустӣ ва Лоиҳаи Бонки ҷаҳонӣ семинари дурӯза дар мавзӯи «Баҳодиҳии инкишофи ҷисмонии кудакони синни то 5 сола» баргузор гардид.                  Тавре ба мухбири АМИТ «Ховар» ҳамоҳангсоз бо ҷомеа ва васоити ахбори омма Лоиҳаи Бонки ҷаҳонӣ Лайлӣ Аҳмадова иттилоъ дод, дар семинари мазкур 15 нафар духтурони кӯдаконаи шаҳру навоҳии вилоят даъват гашта буданд ва ба онҳо тренерони бо таҷриба аз шаҳри Душанбе дарс гузаштанд.                    Баъди гузаштани семинар 15 нафар тренерон аз ҳисоби духтурони кӯдакона тайёр карда мешаванд, ки онҳо низ бояд дар навбати худ 519 нафар кормандони муассисаҳои тандурустии самти кӯмаки аввалияи тиббию санитариро омӯзонанд.                   Чунин семинарҳо сатҳи фаҳмиши табибону ҳамшираҳои тиббиро баланд хоҳанд бардошт.