КУМИТАИ АНДОЗ БЕҲТАРИНҲОРО БА КОР МЕГИРАД

                     Душанбе, 11 июн.(АМИТ «Ховар», Лаззат Диловарзод).- Дар Кумитаи андози назди Ҳукумати ҷумҳурӣ барои ишғоли мансабҳои холии маъмурии хизмати давлатӣ дар мақомоти андоз, озмун доир гардид.                    Бо назардошти ҷойивазкунии кадрҳо 53 ҷой барои мансабҳои ишғолшаванда пешниҳод карда шуд.                   Айни замон дар Кумитаи андоз тибқи моддаи 18-и қонуни ҶТ «Дар бораи хизмати давлатӣ» ва банди 10-и Низомномаи тартиби гузаронидани озмун барои ишғоли мансабҳои холии маъмурии хизмати давлатӣ, инчунин бо мақсади интихоби дуруст ва ҷобаҷогузории кадрҳои болаёқат дар мақомоти андоз, фармони раиси кумита ба тасвиб расид.                    Ба озмун 112 нафар довталабон муроҷиат намуданд. Комиссияи ҳуҷҷатҳои 101 нафар довталабро мувофиқ дониста, ба озмун пешниҳод кард.                     Бино ба талаботи тахассусӣ ҷавобгӯ набудани довталабон ба 11 нафар иҷозат дода нашуд. Озмун 44 нафарро ба вазифаи интихобнамуда сазовор донист, дониши 50 нафар довталаб барои ишғоли мансаб ношоиста дониста шуд.