ҲАЛОКАТИ ЖУРНАЛИСТИ ҚИРҒИЗ

              Бишкек, 14 июл. (АМИТ «Ховар» Лента.Ру). — Дар вилояти Ӯши Ҷумҳурии Қирғизистон дар натиҷаи ҷароҳатҳои вазнини ҷисмонӣ журналисти мустақил Алмаз Тошиев вафот кард. Ӯ 33 сола буда, бо баъзе рӯзномаҳои мухолифи ҳукумат ҳамкорӣ дошт. Тошиев дар шӯъбаи бемориҳои вазнини шифохонаи шаҳри Ӯш баъди ҷарроҳии 10 июл гузаронидашуда, аз дунё чашм пӯшид.             Худи А. Тошиев дар шифохона пеш аз оғози ҷарроҳӣ ба ҳамкасбонаш нақл кард, ки ӯро кормандони милиса 4 июл дар деҳаи Ҷонибозори ноҳияи Навкат сахт лату кӯб карда буданд. Прокуратураи ноҳия аз рӯи воқеаи латукӯб карда шудани Алмаз Тошиев ва марги ӯ парвандаи ҷиноӣ кушод.             Мухбири АМИТ «Ховар» хабар медиҳад, ки дар давоми 2 соли охир дар Қирғизистон ду журналисти мустақил ба ҳалокат расид.             Моҳи октябри соли 2007 дар вилояти Ӯш журналист Алишер Соҳибов ҳадафи ҳуҷум қарор гирифта буд. Шахсони номаълум ба дил ва сари журналист се маротиба тир холӣ карда буданд.                                                       Тарҷумон — Қудратов