АФЗОИШИ НАРХИ МАҲСУЛОТ ДАР БАДАХШОН

                    Душанбе, 9 июл. (АМИТ «Ховар», Лаззат Диловарзод).- Сокинони Вилояти Мухтори Кӯҳистони Бадахшон бори аввал ба чунин баландшавии нархи маҳсулоти ниёзи аввали мардум рӯ ба рӯ шуданд. Дар мағозаю дӯконҳои савдои вилоят нархи 1 кг равғани пок 9 сомонӣ, равғани пахта -10, шири қоқ-20-22, биринҷ-7 ва шакар 5 сомонӣ мебошад.                    Ба гуфти сокинони вилоят, чунин болоравии нархро ҳатто дар давраи солҳои 1992-95, ки замони нооромиҳои ҷумҳурӣ буд, ёд надоранд. Тоҷирони вилоят болоравии нархро аз бӯҳрони молиявии ҷаҳонӣ медонанд, аммо дар бораи арзиши аслии маҳсулот ва нархи воридоти гумрукии он то Бадахшон касе аз идораҳои дахлдор ба харидор маълумот додан намехоҳад.