АМАЛИЁТИ НАҶОТДИҲАНДАГОН
Душанбе, 14 июл. (АМИТ «Ховар», Наталя Михайлова). — Кормандони Кумитаи ҳолатҳои фавқулодда ва мудофиаи шаҳрвандии назди Ҳукумати ҷумҳурӣ дар давоми шаш моҳи аввали соли гузашта 126 амалиёт гузаронданд. Мутаассифона, наҷотдиҳандагони муассисаи «Центроспас» бисёр вақт дар натиҷаи гузаронидани амалиёт дар дарёҳо ва ҳавзҳо танҳо ҷасадҳоро аз об мебароранду халос. Онҳо дар ин муддат танҳо як нафарро наҷот додаанд. Дар ин бора раиси Кумитаи ҳолатҳои фавқулодда ва мудофиаи шаҳрвандии назди Ҳукумати ҷумҳурӣ Ҳайбулло Латипов зимни нишасти матбуотӣ сухан ронд. Вай зикр намуд, ки мутахассисони кумита фалокати дар НБО «Дӯстии халқҳо» шаҳри Қайроққум рухдодаро бартараф намуданд. Ғайр аз ин бинокорон зимни сохтмони «Қасри миллат» аз фалокат наҷот дода шуданд. Бояд гуфт, ки наҷотдиҳандагони кумита бо асбобу анҷоми зарурӣ пурра таъмин нестанд. Бо вуҷуди ин онҳо вазифаҳояшонро то ҳадди имкон ҳамаҷониба иҷро менамоянд. Қайд карда шуд, ки аз аввали сол дар мамлакат 151 фалокати табиӣ рух дод, дар натиҷаи онҳо 39 нафар ҳалок шуд, дар давоми шаш моҳи гузашта дар дарёҳо ва ҳавзаҳои дигари об 43 нафар ғарқ гардид. Дар натиҷаи фалокатҳои гуногун ба иқтисодиёти мамлакат бештар аз 92 миллиону 451 ҳазору 700 сомонӣ зарар расонида шуд. Имсол дар натиҷаи боришҳои тӯлонӣ, сел ва фуромадани тарма бештар аз 40 ноҳияи мамлакат зарар дид. Бо ҳамин сабаб 2471 хонаи истиқоматӣ хароб гардид. Аз ин ҷумла, 496 хона ғайри қобили истифода мебошад.
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
