АМАЛИЁТИ НОТАРИАЛӢ ДАР КӮЛОБ

                  Кӯлоб, 4 июл. (АМИТ «Ховар», Сулаймон Холов). — Бар асоси иттилои сардори идораи нотариалии шаҳри Кӯлоб Хушвақт Ашуров дар шаш моҳи соли ҷорӣ идораи нотариалӣ зиёда аз 3227 амалиётҳои нотариалӣ гузаронидааст, ки маблағи умумии он 95 ҳазору 125 сомониро дар бар гирифта ба буҷаи давлат пардохт гардидааст. Ба гуфтаи Ашуров, дар амалиётҳои зикргардида 2583 адад бланкаҳои махсус сарф шуд, ки маблағи 14 ҳазору 206 сомониро ташкил дода ба суратҳисоби Вазорати адлияи Ҷумҳурӣ ворид шудааст. Мавриди зикр аст, ки идораи нотариалӣ то ин давра маблағи 12 ҳазору 428 сомонӣ ҳаққи хизматрасонии нотариалиро пардохт намудааст. Гуфта мешавад аз 13 намуди амалиёти нотариалӣ шаҳрвандон бештар ба ваколатномаи ронандагӣ мароқ зоҳир менамоянд.