«АМОНАТБОНК» ДАР ХИЗМАТИ НАФАҚАХӮРОН

                       Душанбе, 13 июл. (АМИТ «Ховар», Лаззат Диловарзод).- Бино ба иттилои Агентии давлатии суғуртаи иҷтимоӣ ва нафақаи Вазорати меҳнат ва ҳифзи иҷтимоӣ, тибқи қарори Ҳукумати ҷумҳурӣ аз 4-уми феврали соли 2002 ба Бонки давлатии амонатгузории ҷумҳурӣ «Амонатбонк» барои хизматрасонӣ ба нафақахӯрон ба андозаи 1 фоиз аз ҳисоби маблағҳои пардохти нафақа ба истиснои хароҷоти дафнпулӣ, ҳамчун ҷуброни хароҷот гузаронида мешавад.                     Дар давоми соли ҷорӣ танҳо дар семоҳаи аввал ба Бонки давлатии амонатгузорӣ дар асоси санадҳои муқоисавии воқеан пардохташудаи нафақа 841,8 ҳазор сомонӣ маблағ пардохт карда шудааст.                      Ҳамчунин ба федератсияи иттифоқҳои касабаи мустақили Тоҷикистон 561 ҳазор сомонӣ маблағ гузаронида шудааст.