БОЗ ЯК УЗВИ «ҲИЗБ- УТ- ТАҲРИР» ДАСТГИР ШУД

                 Душанбе, 9 июл. (АМИТ «Ховар», Наталя Михайлова).-7 июл дар рафти амалиёти махсуси кормандони Раёсати мубориза ба муқобили ҷиноятҳои муташаккили ВКД ҶТ ҳамроҳи кормандони Раёсати минтақавии вилояти Суғд узви ташкилоти манъшудаи ифротии динии «Ҳизб-ут-таҳрир», сокини маҳаллаи 13-уми шаҳри Хуҷанд Аҳмад Очилови 31 сола дастгир шуд. Дар ҷараёни тафтиш муқаррар карда шуд, ки А. Очилов моҳи январи соли 2009 узви «Ҳизб-ут- таҳрир» гардида, дар вазифаи ёрдамчии мудири молияи созмони динӣ кор кардааст. Вай ҳамаи аъзои маҳаллии созмонро бо телефонҳои мобилӣ таъмин намудааст.                 Нисбати А. Очилов парвандаи ҷиноӣ кушода шуд ва тафтиши ҷинояти ӯ давом дорад.