ДАР ҶУМҲУРӢ 55,1 ФОИЗИ КОРХОНАҲОИ САНОАТӢ ФАЪОЛАНД

                   Душанбе, 29 июн. (АМИТ «Ховар», Лаззат Диловарзод).- Бино ба маълумоти Кумитаи давлатии омор, дар моҳҳои январ — июни соли 2009 аз 801 корхонаҳои истеҳсолӣ 441 корхона (55,1 фоиз) аз сатҳи истеҳсоли ҳамин давраи соли 2008 бештар маҳсулот бароварданд.                  Дар ин давра дар Вилояти Мухтори Кӯҳистони Бадахшон аз 12 корхона ҳамагӣ 5 корхона (41,7фоиз) нисбат ба сатҳи ҳамин давраи соли гузашта бештар маҳсулот истеҳсол карда тавонистанд. Аз ҷумла КМ «Хрустал», Ҷ С «Панҷ», ҶСШК «Ҳаёти нав» , «Типография», ҶММ «Помир доруворӣ», нисбат ба нақшаи пешбинишуда бештар маҳсулот истеҳсол карданд. Вазъи молиявии 6 корхонаи боқимонда имконият надод, ки нақшаҳояшонро амалӣ созанд.