ДАР ПОЙТАХТ МАРКАЗИ КАЛОНИ ФАРОҒАТӢ СОХТА МЕШАВАД

             Душанбе, 14 июл. (АМИТ «Ховар», Кристина Эрлих). – Рӯзҳои наздик дар пойтахт сохтмони маҷмааи калони фарҳангу фароғатӣ оғоз хоҳад ёфт. Ташаббускори сохтмони он Агентии сохтмону меъмории назди Ҳукумати Тоҷикистон мебошад. Маҷмаа бо маблағи ҷудо намудаи давлати Қатар сохта хоҳад шуд. Лоиҳаи онро раиси шаҳри Душанбе М. Убайдуллоев тасдиқ намуд.             Директори агентии сохтмону меъмории ҷумҳурӣ Абдувалӣ Комилов зикр кард, ки бинои нави фарҳангию фароғатӣ дар мавзеи Буни Ҳисорак дар паҳлӯи биноҳои Донишгоҳи миллии Тоҷикистон бунёд мегардад. Масоҳати умумии он 15 гектар мебошад. Маҷмааи мазкур минтақаи истироҳати бачагону калонсолон ва мӯйсафедону маъюбонро дар бар мегирад.             Мухбири АМИТ «Ховар» ёдовар мешавад, ки чунин маҷмааи фарҳангию фароғатӣ чанде пеш дар шаҳри Хуҷанд сохта шуд. Сохтмони он солҳои оянда дар шаҳри Хоруғ ба нақша гирифта шудааст.                                                                Тарҷумон – Қудратов А.