МУЛОҚОТ ДАР СААД

         Маскав, 8 июл. (АМИТ «Ховар», Ҳалима Хушқадамова).- Муовини Муншии умумии Созмони Аҳдномаи амнияти дастаҷамъӣ А. Бадалян 7 июл бо роҳбари Маркази минтақавии дипломатияи пешгирикунандаи Созмони Миллали Муттаҳид дар Осиёи Марказӣ, намояндаи махсуси Муншии умумии СММ М. Енча мулоқот кард. Дар ҷараёни мулоқот масъалаҳои мавриди назари тарафайн, аз ҷумла равнақу ривоҷи ҳамкории СААД ва СММ дар Осиёи Марказӣ, андешидани тадбирҳои мушатарак дар мубориза ба муқобили терроризм, хариду фурӯши ғайриқонунии маводи нашъадор ва ҷинояти муташаккилона муҳокима шуданд.Мусоҳибон роҷеъ ба вазъияти Афғонистони ҳамсоя дар арафаи интихоботи президент ва парлумони ин мамлакат табодули назар карданд. Мулоқоти мазкур тибқи паймони қаблан ба даст омада баргузор гардид. А. Бадалян ва М. Енча паймон карданд, ки ҳамкориро дар минтақа барои ҳалли проблемаҳои замони ҳозира давом диҳанд.Тарҷумон Қудратов А.