ОШЎБҲО ДАР УРУМЧӢ

                    Пекин, 6 июл. (АМИТ «Ховар»-РИА Новости).- Бегоҳии рӯзи якшанбеи гузашта дар маркази маъмурии Ноҳияи Мухтори Шинҷону Уйғури Ҷумҳурии Мардумии Чин бетартибиҳои оммавӣ рух доданд. Ошӯбгарон ба кӯчаҳо баромада, бо дастаҳои политсия задухӯрд карда, мағозаҳоро ғорат намуда, мошинҳои роҳгузарро оташ заданд. Дар натиҷаи ин бетартибиҳо 4 нафар ҳалок ва 20 нафар маҷрӯҳ шуд.                     Ошӯбгарон аз ҳалокати ду нафар уйғур зимни задухӯрд дар яке аз корхонаҳои бозичабарории вилояти Гуандун ба ғазаб омада, ба кӯчаҳо баромаданд.                     Ба қавли политсия, ташаббускори ин бетартибиҳо созмони ифротии «Анҷумани ҷаҳонии уйғурҳо» мебошад, ки ба он Робиаи Қодир роҳбарӣ мекунад. Р. Қодир аз соли 2005 инҷониб дар ИМА кору зиндагӣ менамояд.                     Қайд карда мешавад, ки дар Ноҳияи Мухтори Шинҷону Уйғур созмони ифротии «Туркистони шарқӣ» фаъолият дорад. Аъзои созмони мазкур барои ҷудо кардани ноҳия аз Чин ва дар он таъсис додани давлати исломӣ мубориза мебаранд.