СӮХТОР ДАР НУҚТАИ ФУРӮШИ СӮЗИШВОРӢ
Душанбе, 13 июл. (АМИТ «Ховар», Анварбек Сиддиқов). — 12 июл, дар нуқтаи фурӯши сӯзишвории шахсӣ, воқеъ дар кӯчаи Ленини ноҳияи Айнӣ, ки ба Баҳодур Музаффаров тааллуқ дошт сӯхтор ба амал омад. Мутахассисони Хадамоти оташнишонӣ муқарар намуданд, ки сабаби ба амал омадани сӯхтор аз беаҳамиятӣ ва риоя накардани қоидаҳои бехатарии зидди сӯхтор зимни рехтани маводи сӯхти моеъ мебошад. Баҳодур Музаффаров дар маҳали кораш бо либоси синтетики ҳузур дошт. Вақти рехтани маводи сӯхт дар натиҷаи соиши либоси ӯ заряди барқӣ (шарора) парида ба бензин расидааст. Дар натиҷа 2000 литр бензин оташ гирифт. Оташ масоҳати 130 метри мурабаъро фаро гирифт. Ягон шахс зарар надидааст, хисороти оташ 12 ҳазору 600 сомониро ташкил дод. Тавре аз Раёсати давлатии хадамоти оташнишонии ВКД-и ҷумҳурӣ ба АМИТ «Ховар» хабар доданд, хафтаи гузашта дар ҷумҳурӣ 29 сӯхтор ба қайд гирифта шуд. Хисороти моддии расонидаи он 51 ҳазору 170 сомониро ташкил кард.
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
Имрӯз дар баъзе ноҳияҳои кӯҳии Тоҷикистон бориши борону барф пешгӯӣ мешавад
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
