ТАҶЛИЛИ 80-СОЛАГИИ ТЕАТР

                    Душанбе, 31 июл. (АМИТ «Ховар», Лутфия Эшонқулова).- Театри давлатии академии ба номи А. Лоҳутӣ моҳи ноябри соли равон 80-сола мешавад. Директори театр Ибодулло Машрабов ба АМИТ «Ховар» хабар дод, ки барои ҷашн намоишномаи нав дар бораи ҳаёт ва фаъолияти Имоми Аъзам тайёр карда мешавад.                   И. Машрабов қайд намуд, ки театр дар давоми фаъолияташ роҳи дуру дарози эҷодиро тай намуда, намоишномаҳо ва асарҳои бадеӣ-классикии ӯ дили тамошобинонашро бурдааст. Ҳунармандони барҷастаи театр М. Исоева, Д. Умарова, С. Сабзалиева, К. Собир, М. Мирзоалиев, Қ. Чақалов ва дигарон анъанаҳои беҳтарини санъати миллии театриро давом медиҳанд.                   Театри давлатии драмавии ба номи А. Лоҳутӣ соли 1929 дар заминаи маҳфили ҳаваскорони санъат ташкил ёфта буд. Соли 1933 ба ин театр номи шоир, нависанда ва драматург Абулқосим Лоҳутӣ дода шуд. Хизматҳои Лоҳутӣ дар рушди театрии Тоҷикистон бебаҳост. Зеро А. Лоҳутӣ дар Тоҷикистон аввалин шуда намоишномаҳои Шекспирро барои ба саҳнаи театри мазкур гузоштан забони тоҷикӣ тарҷума карда буд. Соли 1939 ба театр унвони академӣ дода шуд.                                                                                                  Тарҷумаи Зебо Иноятова