ТАЙЁРИИ ВАРЗИШГАРОНИ ТОҶИК БА БОЗИҲОИ ОЛИМПИИ СОЛИ 2010
Душанбе, 25 июл. (АМИТ «Ховар», Пайрав Назаров).- Лижарони машҳури тоҷик Алишер Қудратов имрӯзҳо таҳти роҳбарии мураббиаш Ибод Қурбонов дар варзишгоҳи зимистонаи лижаронии «Сафедорак» машқ мекунад. Вай ҳамроҳи лижарони дигари мамлакат Андрей Дригин дар Бозиҳои зимистонаи олимпӣ иштирок хоҳад кард, ки моҳи феврали соли 2010 дар Канада баргузор мегардад. Ҳар ду варзишгар гирандаи стипендияи Кумитаи байналхалқии олимпӣ мебошанд. Мухбири АМИТ «Ховар» ёдовар мешавад, ки варзишгоҳи зимистонаи лижаронии «Сафедорак» солҳои ҳокимияти шӯравӣ натанҳо дар Тоҷикистон, балки дар саросари иттиҳод шӯҳрати калон дошт. Тибқи нақша, мебоист дар ин ҷо меҳмонхонаи панҷситорадор, Қасри варзиш ва майдони калони рақси рӯи ях сохта мешуд, вале ин нақшаҳо баъди барҳам хӯрдани Иттиҳоди Шӯравӣ иҷро нашуданд. Имрӯз дар ин ҷо садҳо нафар бачагону наврасони маҳаллӣ машқ мекунанд. Раиси комиссияи ҷумҳуриявии варзишию техникии лижаронӣ Владислав Минаев изҳори умед кард, ки шумораи ҳаводорони варзиши лижаронӣ сол то сол меафзояд, ва шояд ояндаи наздик варзишгоҳи «Сафедорак» аз нав барқарор карда шавад. Тарҷумон Қудратов А.
Имрӯз дар ноҳияҳои доманакӯҳӣ Тоҷикистон бориши борон пешгӯӣ мешавад
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
