ҲАЧМИ ХАРИДУ ФУРӮШИ МОЛ БО МАМЛАКАТҲОИ ХОРИҶӢ КАМ ШУД

                Душанбе, 19 август. (АМИТ «Ховар», Покиза Маҳмадбекова). — Аз рӯи маълумоти Кумитаи давлатии омор, маблағи хариду фурӯши мол дар байни Тоҷикистон ва мамлакатҳои хориҷӣ дар давоми 7 моҳи аввали соли равон бештар аз 1,9 миллиард доллари ИМА — ро ташкил кард, ки нисбат ба ҳамин давраи соли 2008 — ум 31,2 фоиз кам мебошад. Хабар дода мешавад, ки маблағи хариду фурӯши мол бо мамлакатҳои хориҷӣ дар ин давра 907,7 миллион доллари ИМА кам шудааст.                 Тоҷикистон соли равон бо 92 мамлакати ҷаҳон муносибатҳои тиҷоратӣ дошт. Маблағи аз ҳама зиёди хариду фурӯши мол дар байни Тоҷикистон ва мамлакатҳои хориҷӣ ба Русия, Чин, Қазоқистон, Ӯзбекистон ва Туркия рост меояд.