ҲАЛОКАТ АЗ БЕЭҲТИЁТӢ

                  Душанбе, 24 август. (АМИТ «Ховар», Жасмин Назарова). — Дар ноҳияи Нуробод рӯзи 21 августи соли ҷорӣ ронандаи автомашинаи тамғаи «Таyоtа — RAF 4», рақами давлатиаш АЕ 28 02 РТ 02 Ҳазратшо Алишоев, соли таваллудаш 1951, истиқоматкунандаи ноҳияи Панҷакент, ҷамоати Рӯдакӣ, дар роҳи автомобилгарди Ваҳдат — Ҷиргатол, дар наздикии деҳоти Чорсадаи ноҳияи Нуробод аз ӯҳдаи идора кардани автомашина набаромада ба чуқурии тақрибан 50 метр афтида, мусофири он Қодиралӣ Ночорбоев, соли таваллудаш 1987, истиқоматкунандаи ноҳияи Мурғоб бо ҷароҳати вазнин дар беморхонаи марказии ноҳияи мазкур ба ҳалокат мерасад.                   Тибқи иттилои дафтари матбуоти Вазорати корҳои дохилии ҶТ, мусофирони дигари автомашинаи мазкур Турчинбой Тошматов, соли таваллудаш 1988 ва Урунбек Чиников, соли таваллудаш 1986, истиқоматкунандагони ноҳияи Мурғоб ҷароҳати сабуки ҷисмонӣ бардоштанд.