АФЗОИШИ ҚАРЗ АЗ ПАРДОХТИ МУЗДИ КОР

                  Душанбе, 13 август. (АМИТ «Ховар», Лаззат Диловарзод).- Чунон ки дар Вазорати меҳнат ва ҳифзи иҷтимоӣ ба мухбири АМИТ «Ховар» иттилоъ доданд, маблағи умумии қарздорӣ аз пардохти музди кор беш аз 26 млн.435 ҳазор сомониро дар бар мегирад. Аз ҷумла танҳо дар моҳи майи соли 2009 қарздорӣ аз пардохти музди кор ба 4 млн. 709, 3 ҳазор сомонӣ ё 17,8 фоизи маблағи умумии қарздорро ташкил дод.                 Қарздорӣ аз пардохти музди кор дар соҳаи истеҳсолоти неъматҳои моддӣ 743,8 ҳазор сомонӣ (3,1 фоиз) зиёд шуда, ба 24 миллиону 855,2 ҳазор сомонӣ расид.                  Боиси тазаккур аст, ки камшавии қарздорӣ дар соҳаи кишоварзӣ 1,9 фоиз, дар соҳаи ҷангал — 10,6 ва дар соҳаи нақлиёт қариб 2 баробар кам гардида, дар соҳаи истеҳсолоти неъматҳои моддӣ баръакс қарздорӣ аз пардохтти музди кор зиёд гард, ки ин боиси нигаронист.