БОКСЧИЁНИ БЕҲТАРИНИ ТОҶИК ДАР ИТАЛИЯ

                  Душанбе, 18 август. (АМИТ «Ховар», Фирдавс Таваров).-Гурӯҳи якуми боксчиёни тоҷик имрӯзҳо дар Рим машқ мекунанд. Онҳо дар мусобиқаи қаҳрамонии ҷаҳонии бокс ширкат меварзанд, ки аз 1 то 12 сентябр дар Милан баргузор мегардад.                  Дар ин даста боксери машҳур бо вазни 54 килограмм Анвар Юнусов бо мураббии худ Мирзо Шамсиев иштирок мекунад.                  Рӯзҳои наздик гурӯҳи дуюми боксчиёни тоҷик барои машқ ба ин ҷо меоянд. Ба ин гурӯҳ боксчиёни тоҷик Озар Авзалшоев, Ҷасур Қурбонов, Ҷаҳон Қурбонов ва мураббии онҳо Аббос Неъматуллоев шомиланд.                 Кумитаи олимпӣ умедвор аст, ки Анвар Юнусов ва Ҷаҳон Қурбонов дар ин мусобиқа натиҷаҳои хуб ба даст хоҳанд овард, зеро онҳо ба ҷумлаи панҷ нафар боксчиёни зӯртарини олимпиадаи Пекин дохил гардиданд.