БОЗДИДИ РАИСИ ВИЛОЯТ АЗ ИНШООТИ ҶАШНӢ

                   Бадахшон, 21 август. (АМИТ «Ховар», Л. Додо).- Имрӯзҳо мардуми Бадахшон ба хотири сазовор истиқбол кардани иди Ваҳдат, ки соли 2010 дар ВМКБ мегузарад, омодагӣ мебинад. Ба ин муносибат муовини раиси Маҷлиси миллии Маҷлиси Олии ҷумҳурӣ, раиси ВМКБ Қодири Қосим бо рафти сохтмони иншооти ҷашнӣ, аз ҷумла Литсейи президентӣ, хобгоҳ барои 1000 нафар донишҷӯёни Донишгоҳи шаҳри Хоруғ, театри мусиқии мазҳакавӣ, Қасри ҷавонон, Варзишгоҳи марказӣ, студияи телевизиони Бадахшон, Раёсати корҳои дохилӣ, азнавсозии фурӯдгоҳи ҳавоӣ дидан кард.                  Маълум шуд, ки ҷараёну низоми корҳо дар аксари иншоот хуб асту онҳо сари вақт мавриди истифодабарӣ қарор дода мешаванд, аммо ба қавли раиси вилоят ҷараёни корҳои бунёдкорӣ дар иншооти Кохи ҷавонон, Раёсати корҳои дохилӣ ва студияи телевизиони Бадахшон хеле суст аст.