ИМКОНИЯТИ ПАСТ ШУДАНИ ҲАРОРАТИ ҲАВО

                 Душанбе, 21 август. (АМИТ «Ховар», Лутфия Эшонқулова ). — Вақтҳои охир бо сабаби ба фазои мамлакат ворид гардидани мавҷи ҳавои сарди шимолу ғарбӣ дар баъзе минтақаҳои ҷумҳурӣ ҳарорати ҳаво, хусусан шабона то андозае паст гардид. Аз Агентии ҳавошиносии ҷумҳурӣ ба АМИТ «Ховар» хабар доданд, ки ҳарорати ҳаво дар давоми як ҳафтаи охир дар мамлакат аз 8 то 9 дараҷа паст фуромад.               Қайд карда шуд, ки чунин тағйироти вазъи ҳаво дар давоми моҳи август ба меъёрҳои ҳарсола мувофиқ мебошад. Рӯзҳои оянда ҳавои тамоми минтақаҳои мамлакат гарм буда, дар ягон ҷо борон намеборад. Рӯзҳои оянда ҳаво шабона дар пойтахт аз 13 то 15 ва рӯзона аз 32 то 34 дараҷа гарм хоҳад шуд.               Ба ақидаи ҳавошиносон ҳавои мамлакат аз 25 август сар карда, то андозае хунук шуда метавонад. Дар ин маврид сардии ҳаво рӯзона ҳам ҳис карда хоҳад шуд.