МАҶЛИСИ ҲАЙАТҲОИ МУШОВАРАИ ВКД ТОҶИКИСТОН ВА РУСИЯ ДАР ҚАЗОН Б

               Душанбе, 18 август. (АМИТ «Ховар», Таҳмина Ғоибназарова). — Аз 19 то 23 августи соли равон дар шаҳри Қазони Федератсияи Русия маҷлиси муштараки ҳайатҳои мушовараи вазоратҳои корҳои дохилии Тоҷикистон ва Федератсияи Русия баргузор мегардад. Дар он ҳайатҳои вазоратҳои корҳои дохилии ҳар ду мамлакат таҳти роҳбарии вазирони корҳои дохилии онҳо Абдураҳим Қаҳҳоров ва Рашид Нургалиев иштирок хоҳанд кард.                Инчунин аз Тоҷикистон дар ин маҷлис сардори раёсати ташкилӣ ва назорати ВКД, генерал — майори милиса Тоҳир Норматов ва роҳбари дафтари матбуоти ВКД Маҳмадулло Асадуллоев ширкат меварзанд.                Мухбири АМИТ «Ховар» хабар медиҳад, ки чунин маҷлисҳои муштараки ҳайатҳои мушовараи вазоратҳои корҳои дохилии Тоҷикистону Русия ҳар сол гузаронида, дар онҳо ҳамкории ҳар ду вазорат дар мубориза ба муқобили ҷинояткорӣ ва терроризм муҳокима карда мешавад.