МАҶМӮАИ НАВИ МАҚОЛАҲО БАРОИ ДОНИШҶӮЁН

                 Душанбе, 11 август. (АМИТ «Ховар», Таҳмина Ғоибназарова).- Маҷмӯаи сеюми «Масъалаҳои муҳимтарини филологӣ» бо дастгирии Донишгоҳи Славянии Тоҷикистону Русия аз чоп баромад. Дар ин маҷмӯа мақолаҳои устодон ва унвонҷӯёни кафедраи забонҳои хориҷии забоншиносии умумии донишгоҳи мазкур ҷой дода шудаанд. Муҳаррири ин маҷмӯа доктори илмҳои филологӣ, профессор Ф. Зикриёев мебошад.                Дар маҷмӯа мақолаҳои бахшида ба таҳқиқи проблемаҳои муҳими филологияи Олмону Эрон ва славянӣ, инчунин забоншиносии муқоисавӣ ҷой додашудаанд. Баъзе мақолаҳо мавзӯъҳои гуногуни семантикаи забон, воҳидҳои фразеологии забонҳои имрӯзаро аз нуқтаи назари муқоисавӣ таҳлил менамоянд. Мақолаи дигар проблемаҳои лингвистикаи забонҳои алоҳида, ҷиҳатҳои фарқкунандаи забонҳои дунё, матншиносӣ, назария ва амалияи тарҷумаҳои тоҷикию форсиро дар бар мегиранд.                Маҷмӯаи мақолаҳо барои донишҷӯёну аспирантҳо ва омӯзгорони соҳаи филология ва ҳамаи онҳое пешбинӣ шудааст, ки ба масъалаҳои забоншиносӣ ва филология мароқ зоҳир менамоянд.                                                                                                          Тарҷумаи Зебо Иноятова