МАЪЛУМОТИ ДУРУСТ ТО ДАВРАИ ИНТИХОБОТИ ПАРЛУМОН БА ДАСТ ОВАРДА МЕШАВАД

                     Душанбе, 31 август. (АМИТ «Ховар», Лаззат Диловарзод).- Бо иттилои дафтари матбуотии ВКД ҶТ дар мушовираи муштараке, ки 21 — уми августи соли ҷорӣ бо иштироки вазирони корҳои дохилии Ҷумҳурии Тоҷикистон ва ФР дар шаҳри Қазон баргузор гардид, шумораи муҳоҷирони меҳнатии Тоҷикистон, ки қонунан ба қайд гирифта шудаанд, 391 ҳазор хонда шуд. Тибқи иттилои мавҷуда, боз ҳамин қадар муҳоҷирони меҳнатӣ ғайрирасмӣ дар ФР ба кору фаъолият машғуланд.                    Дар мушовираи мазкур, миёни Вазорати корҳои дохилии Тоҷикистон ва ФР қарордод дар масъалаи ҳифзи ҳуқуқи шаҳрвандони Тоҷикистон дар ФР ва шаҳрвандони Русия дар Тоҷикистон, ба роҳ мондани табодули иттилоот дар бораи рафту омади шаҳрвандони ду кишвар, пешгирии муҳоҷирати ғайриқонунӣ ва ба рох мондани тарзи дурусти бақайдгирӣ мавриди муҳокима қарор ёфт.                   То имрӯз шумораи аниқи муҳоҷирони ғайрирасмии Тоҷикистон дар ФР номаълум боқӣ мондааст ва шояд он то давраи интихоботи Парлумони кишвар (соли 2010) муайян гардад.