МАРДУМ БО ТУХМИ МУРҒИ ВАТАНӢ ТАЪМИН ШУДАНД

                        Душанбе, 5 август. (АМИТ «Ховар», Лаззат Диловарзод).- Бино ба маълумоти Кумитаи давлатии омор, то 1 — уми июли соли 2009 дар ҷумҳурӣ 89206 ҳазор дона тухм истеҳсол карда шудааст, ки нисбат ба ҳамин давраи соли 2008 44,3 фоиз зиёд аст.                        Истеҳсоли тухмро хоҷагиҳои вилояти Суғд — 55,1 фоиз, вилояти Хатлон — 7,4, ВМКБ — 3,1 фоиз, ноҳияҳои Файзобод — 3,6 баробар, Ваҳдат — 2,4, Нуробод — 15,7 фоиз, Турсунзода — 10,3, Тавилдара 5,7, Роғун — 4,8 ва Рашт ба андозаи 3 фоиз зиёд намуданд.                        Истеҳсол шудани ин миқдор тухм воридоти онро аз хориҷа ба бозори дохилӣ то дараҷае кам намуд.