НАРХИ ШАКАРУ БИРИНҶ ҚИМАТ, АММО ОРДУ КАРТОШКА АРЗОН ШУД

                   Душанбе, 3 август. (АМИТ «Ховар», Лаззат Диловарзод).- Дар Кумитаи давлатии омор ба хабарнигори АМИТ «Ховар» иттилоъ доданд, ки аз аввали соли 2009 нархи маҳсулоти хӯрокворӣ боло рафт. Боло рафтани нарх бештар дар асал (54,4 фоиз), шакар (39,2 фоиз), арақ (16,4 фоиз), биринҷ (12,1 фоиз), қаҳва (10,2 фоиз), чой (10,1 фоиз), маҳсулоти ширӣ (7,7 фоиз), оби маъданӣ (6,5 фоиз), конфетҳои шоколадӣ (4,3 фоиз) мушоҳида гардид. Ҳамчунин дар ин давра гӯшти мурғи хонагӣ (3,3 фоиз), гӯшти гӯсфанд (2,8 фоиз), гӯшти гов (2,2 фоиз) қимат шудааст.                  Зимнан нархи бехпиёз 31,3 фоиз, картошка — 7,1, ярмаи ҷав — 5,7, орди навъи якум — 4,3, сабзӣ — 1,7 ва карам 1 фоиз арзон шудааст.