ПОЙГАИ ВЕЛОСИПЕДРОНОН БАРОИ ҶАЛБИ КӮМАКҲО БА ҶАВОНОНИ ТОҶИК
Душанбе, 4 август. (АМИТ «Ховар», Наргис Бояхмедова). — Сокини Швейтсария Ричард Селевик ва сокини Фаронса Жан Фредерик Гавин қарор доданд, ки барои расондани кӯмак ба ҷавонони тоҷик дар бобати кушодани курсҳои дӯзандагӣ ва қаннодӣ дар ноҳияи Ваҳдат ва ташкили хоҷагии занбӯрпарварӣ дар деҳаи Сухчарви ВМКБ аз Осло то Пекин масофаи 16 ҳазор километрро бо велосипед тай кунанд. Онҳо моҳи марти соли 2009 аз шаҳри Осло бо велосипед ба сафар баромаданд. То имрӯз иштирокчиёни пойга аз ҳамаи мамлакатҳои Аврупо, қаламрави Туркия, Арманистон, Эрон ва Туркманистон гузашта, ба Ӯзбекистон расидаанд. Велосипедронон 8 август аз сарҳади Ӯзбекистон гузашта, то 10 август ба Душанбе мерасанд. Баъди ин сафари онҳо ба ноҳияи Ваҳдат ва ВМКБ пешбинӣ карда мешавад. Велосипедронон дар ҷараёни сафар бештар аз 17 ҳазор доллари ИМА ҷамъ оварданд. Қисми зиёди ин маблағро яке аз ширкатҳои газворбофии Фаронса тӯҳфа кард.Ташкилкунандаи пойгаи велосипедронон Хазинаи «Осиёи Марказии Евразия» мебошад.
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
