РАИСИ НАВИ ШӮРОИ ҲАМОҲАНГСОЗИ СОЗМОНҲОИ ТИҶОРАТИИ ҶТ
Душанбе, 1 август. (АМИТ «Ховар», Людмила Дубинина). — Раиси иттифоқи соҳибкорон ва содиркунандагони моли мамлакат Некрӯй Забиров дар маҷлиси навбатии Шӯрои ҳамоҳангсози созмонҳои тиҷоратӣ ва иттиҳодияҳои ҷамъиятии Тоҷикистон, ки 30 июл баргузор гардид, боз раиси Шӯрои мазкур интихоб шуд. Дар ҳамин маҷлис аъзои Шӯро ба гурӯҳҳои корӣ тақсим шуданд. Вазифаи онҳо амалӣ сохтани барномаи беҳтар сохтани фаъолияти соҳибкорӣ дар мамлакат дар давоми 200 рӯзи ислоҳот мебошад. Иштирокчиёни маҷлис низомномаи фаъолияти Шӯрои ҳамоҳангсозро қабул намуда, меморандуми ҳамкориро бо созмонҳои дигари тиҷоратии Тоҷикистон ва мамлакатҳои хориҷӣ тасдиқ намуданд. Мухбири АМИТ «Ховар» ёдовар мешавад, ки Шӯрои ҳамоҳангсози созмонҳои тиҷоратӣ ва иттиҳодияҳои ҷамъиятии Тоҷикистон соли 2007 ташкил шуда буд. Ҳадафи он муттаҳид сохтани ҷидду ҷаҳди созмонҳои тиҷоратӣ барои амалӣ гардондани ислоҳоти иқтисодӣ ва муҳайё сохтани шароит барои рушду нумӯи соҳибкорӣ ва тиҷорат дар мамлакат мебошад.
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
Имрӯз дар баъзе ноҳияҳои кӯҳии Тоҷикистон бориши борону барф пешгӯӣ мешавад
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
