СӮХТОРИ КАЛОН ДАР ДУШАНБЕ

                       Душанбе, 20 август. (АМИТ «Ховар», Таҳмина Ғоибназарова). — 19 август соати 12 — у 30 дақиқа дар бинои №13 кӯчаи Ҷаббор Расулов ҳавзи калони битуми сохтмонӣ даргирифт. Дар ин бора ба АМИТ «Ховар» аз Раёсати давлатии сӯхторхомӯшкунии Вазорати корҳои дохилӣ хабар доданд. Баробари расидани хабари сӯхтор дастаҳои сӯхторхомӯшкунандагон ба маҳалли воқеа фиристода шуданд. Сӯхтор соати 14 пурра хомӯш карда шуд.                       Ба туфайли тадбирҳои фаврӣ ва оқилонаи сӯхторхомӯшкунандагон тамоми битуми сохтмонии дар ҳавзбуда аз оташ наҷот дода шуд. Инчунин паҳн гардидани сӯхтор ба анбори нафт пешгирӣ карда шуд, ки дар шафати ҳавзи битум воқеъ буд. Айни ҳол сабабҳои рух додани сӯхтор ва гунаҳкорони он муқаррар карда мешаванд.