САВДОИ ХОРИҶИИ ТОҶИКИСТОН КОҲИШ ЁФТ

                Душанбе, 20 август. (АМИТ «Ховар», Лаззат Диловарзод).-Бино ба маълумоти Кумитаи давлатии омор, дар давоми 7 моҳи соли ҷорӣ гардиши савдои хориҷии Тоҷикистон, дар якҷоягӣ бо қувваи барқ ва гази табии 1615, 8 млн. доллари амрикоиро ташкил дод, ки нисбат ба ҳамин давраи соли 2008 30, 6 фоз ё ба андозаи 713 млн. доллар кам аст.                Тарози савдо дар ин муддат манфӣ арзёбӣ гардид ва он 793,0 млн. долларро ташкил кард.                Боиси тазаккур аст, ки савдои хориҷии Тоҷикистон сол аз сол васеъ мегардад. Айни замон ҶТ бо 90 мамолик, аз ҷумла бо 11 кишвари ИДМ ва 79 мамолики хориҷи дур муносибатҳои савдои хориҷӣ дорад.                Дар гардиши савдои хориҷӣ ҳиссаи мамлакатҳои ИДМ 46,9 фоиз ё 757,6 млн.доллар ва ба ҳиссаи мамлакатҳои хориҷи дур 53,1 фоиз ё 858, 2 млн. доллар рост меояд.                Касри тарози савдо бо мамлакатҳои ИДМ — 576,3 млн. доллар ва бо мамлакатҳои хориҷи дур — 216, 7 млн. долларро ташкил дод.