ВАФОТИ ЖУРНАЛИСТ ВА ШОИРИ МАЪРУФ

                   Душанбе, 24 август. (АМИТ «Ховар», Наргис Бояхмедова).- 23 август журналист ва шоири маъруф, ходими хизматнишондодаи Тоҷикистон, барандаи ҷоизаи адабии ба номи С. Айнӣ Шоҳмузаффар Ёдгорӣ дар сини 69-солагӣ аз олам чашм пӯшид.                  Ш. Ёдгорӣ фаъолияти худро дар соҳаи адабиёт аз солҳои 60-уми асри 20 сар карда буд. Шеърҳои ӯ ба ватан, модар, меҳнат бахшида навишта шудаанд. Китобҳои ӯ «Як шоха гул», «Даргоҳи деҳқон», «Симои халқ» ва «Ҳар тори мӯ вафоям» дар адабиёти тоҷик мақоми хос доранд. Шеърҳои шоир ба бисёр забонҳои ҷаҳон тарҷума шудаанд. Дар романҳои худ «Васваса» ва «Талош» Ш. Ёдгорӣ дар бораи ҳаёти имрӯзаи мардум нақл мекунад.