2 500 БАСТАИ КОҲ СӮХТА НОБУД ШУД

                 Душанбе, 23 сентябр. (АМИТ «Ховар», Жасмин Назарова). – Тавре ба хабарнигори АМИТ «Ховар» аз дафтари матбуоти Вазорати корҳои дохилии ҶТ иттилоъ доданд, ба шӯъбаи дохилӣ аризаи раиси хоҷагии деҳқонии ҷамоати Калинини ноҳияи Ҳамадонӣ Б. Муродов, соли таваллудаш 1956 шаби 20 сентябр дар заминҳои хоҷагии деҳқонӣ сӯхтор ба амал омадааст. Дар натиҷа 2 500 бастаи коҳи хушконида сӯхта нобуд шуд. Зарари аз сўхтор ба амал омада ба маблағи 2 500 сомониро дарбар мегирад.                  Инчунин дар ноҳияи Бохтар ҳодисаи сӯхтор ба қайд гирифта шуд. Рӯзи 22 сентябр, дар мағозаи хусусӣ воқеъ дар кӯчаи Школная, ки ба шаҳрванд Дӯстмурод Тағоеви 27 сола тааллуқ дорад, сӯхтор ба амал омад. Дар натиҷа дар масоҳати 120 метри мураббаъ болопӯши мағоза ва хӯрокворӣ ба маблағи 3 ҳазор сомонӣ сӯхта нобуд шуданд. Ташхис нишон дод, ки сабаби сўхтор расиши кўтоҳи ноқилҳои барқӣ мебошад.