ДАР БАДАХШОН МУРҒ ПАРВАРИШ МЕКУНАНД

                 Бадахшон, 24 сентябр. (АМИТ «Ховар», Л. Додо).- Дар деҳаи Бунии ноҳияи Шуғнон таҳкурсии фабрикаи мурғпарварӣ гузошта шуд. Гап дар сари он аст, ки дар ҳамин деҳа то оғози муқовиматҳо калонтарин фабрикаи мурғпарварии вилоят фаъолият дошт. Дар давраи муқовиматҳо бошад фабрика валангор гардида, ҳатто хишташро низ фурӯхтанд. Ҳоло бошад соҳибкор, садри корхонаи масъулияташ маҳдуди «Назрӣ» Қадамшо Чиниев ба бунёди фабрика оғоз намуд. Тавре Қадамшо Чиниев иттилоъ дод, фабрика дар тарҳи собиқ эҳё хоҳад гашт. Бунёди чунин фабрика дар деҳаи Танги ноҳияи Шуғнон низ оғоз гардид. Ба гуфти Латиф Шоҳзодаев- садри Раёсати рушди иқтисоди вилоят бунёди 4 сехи дӯзандагӣ ва корхонаи коркарди доруворӣ низ идома дорад.