ДЕҲҚОН КИШТИ ДУЮМРО ЗИЁД КАРД

                Суғд, 8 сентябр. (АМИТ «Ховар», Самад Юсуфӣ, Мирзалӣ Амонов). — Аҳли заҳмати хоҷагии деҳқонии «Яккатут», «Гултеппа»-и ноҳияи Ҷаббор Расулов дар баробари он, ки ҳамаи 94 га замини обиро пурра истифода бурданд, инчунин майдони кишти такрорро зиёд карданд.Дар ҳамаи замини аз гандум холишуда, кишти дуюм гузаронида шуд. Аз ҷумла дар 0,5 га ба таври таҷрибавӣ тарбуз парвариш меёбад, ки дар 70 рӯз пухта мерасад.                Инчунин парвариши сабзӣ, харбуза, бодиринг, мош ба роҳ монда шудааст. Чунин нишондиҳандаҳоро дар хоҷагиҳои деҳқонии номбурда дидан мумкин аст. Ингуна оқилона истифодабарии замин, ҳам ба манфиати деҳқон асту ҳам ба нархи бозори дохилӣ таъсири мусбӣ мерасонад.