ХАРИТАҲО БАРОИ МАКТАБҲОИ ТОҶИКИСТОН

                  Душанбе, 24 сентябр. (АМИТ «Ховар», Фарангис Раҳимова). – Ширкати харитасозии Швейтсария ҳамроҳи намояндагии Агентии ҳамкории ин мамлакат дар Тоҷикистон 50 ҳазор нусха харитаҳои топографии Тоҷикистонро таҳия ва нашр намуд. Дар ин харитаҳо хусусиятҳои ҷуғрофӣ ва геометрии маҳалҳои гуногуни мамлакат тасвир ёфтаанд.                 Мухбири АМИТ «Ховар» хабар медиҳад, ки харитаҳои мазкур пеш аз ҳама барои омӯхтани фанни Ҷуғрофия дар мактабҳои мамлакат пешбинӣ шудаанд. Харитаҳо айни ҳол ба Вазорати маорифи Тоҷикистон супурда шудаанд ва ояндаи наздик дар байни мактабҳои мамлакат тақсим карда хоҳанд шуд.                  Бояд гуфт, ки ширкати макзур қабл аз ин тибқи фармоиши Тоҷикистон барои сайёҳон харитаҳои туристӣ тайёр карда буд.