КӮМАКИ НАВБАТИИ ВАЗОРАТ БА ЭҲТИЁҶМАНДОН

                  Душанбе, 16 январ. (АМИТ «Ховар», Покиза Маҳмадбекова). – Ҳамасола дар арафаи ҷашнҳои муҳими миллию давлатӣ аз ҷониби вазорату идораҳои мамлакат ба хона-интернатҳо, ятимону бепарасторон, маъюбону пиронсон ва иштирокчиёни Ҷанги Бузурги Ватанӣ кӯмакҳои хайрия расонида мешавад.                     Бо ин мақсад, Вазорати молияи ҷумҳурӣ дар арафаи Иди моҳи шарифи Рамазон ба маблағи 4 ҳазору 300 сомонӣ, аз ҷумла барои мактаб — интернати шаҳри Кӯлоб 2 ҳазору 500 сомонӣ ва ҳамчун кӯмаки яквақтаина ба нафақахӯрон ва собиқ кормандони вазорат 1800 сомонӣ кӯмак расонид.                    Маврид ба ёдоварист, ки Вазорати молия дар арафаи Рӯзи Дониш ва 18 – умин солгарди Истиқлолияти давлатӣ низ ба мактаб-интернати бепарасторони шаҳри Кӯлоб ва нафақахӯрону собиқ кормандони вазорат ба маблағи 4 ҳазору 800 сомонӣ кӯмаки хайрия карда буд.