КОРГАРОНИ МУҲОҶИРИ ТОҶИК ДАР ОКРУГИ ФЕДЕРАЛИИ УРАЛ

                 Душанбе, 2 сентябр. (АМИТ «Ховар», Наталя Михайлова). – Котиби матбуоти намояндагии вазорати корҳои дохилии Тоҷикистон дар Федератсияи Русия Дилбар Хоҷаева ба АМИТ «Ховар» хабар дод, ки нимаи аввали соли 2009 дар ҳудуди Округи федералии Урал 73 ҳазору 766 шаҳрванди Тоҷикистон ба қайд гирифта шуд. Онҳо дар ин ҷо дар соҳаҳои сохтмон, тиҷорат, нақлиёт, коркарди маҳсулот ва муассисаҳои коммуналӣ кор мекунанд.                Дар ин ҷо дар ин муддат ба 6 ҳазору 465 шаҳрванди Тоҷикистон иҷозати буду боши муваққатӣ дар қаламрави Федератсияи Русия дода шуд. 3 ҳазору 475 шаҳрванди Тоҷикистон ҳуқуқи шаҳрвандии Русияро ба даст овард. Инчунин 30 ҳазору 531 мардикори тоҷик барои кор иҷозатнома гирифт.